أفضل 10 وصفات أنواع بيتزا جزائرية بنفس المقادير و إختلاف في طريقة تحضير

أفضل 10 وصفات أنواع بيتزا جزائرية بنفس المقادير و إختلاف في طريقة تحضير

اليوم لدينا لكم عدة اشكال للبيتزا جميلة و لذيذة كلها بنفس المكونات البسيطة و لكن إختلاف بطريقة التحضير و لمسات سحرية و طم ريقة جزائرية سوف نقدم لكم كل ماتحتاجونه بوصف و شرح مفصل لكي سيدتي فالنبدء

المقادير الاساسية

  • كاس حليب دافئ
  • ملعقة سكر
  • ملعقة خميرة خبز
  • ملعقة قهوة ملح
  • العجينة
  • ملعقة زيت زيتون او عادي
  • نصف ملعقة زبدة

التحضير :

  • أولا نضع الخميرة مع الحليب و السكر حتى تعمل فقاعات.
  • نضع الفرينة تدريجيا و نعجن حتى تصبح لدينا عجينة ملساء طرية و تلتصق في اليد.
  • في الاخير نضيف الزبدة و الزيت و الملح.
  • نغطيوها و نخليوها حتى تتضاعف في الحجم.

تحضير صلصة الطماطم :

  • نقطع طماطم مع بصل و ثوم.
  • نضيف عليهم بعض ماء حتى نغطيوهم و نتركهم يطيبو شوي.
  • نضعهم في خلاط العصير من اجل رحيها جيذا.

نضيف بعدها :

  • بهارات فلفل ابيض
  • بودرة الثوم
  • ريشة رند
  • ملح
  • ملعقة زيت زيتون
  • ملعقة صغيرة سكر
  • ملعق صغيرة طماطم مصبرة

بعدها نضعهم فوق النار حتى يتبخر الماء كليا و ننتقل للصوص الجبن بعدها

تحضير صوص الجبن :

نسخن 5 ملاعق حليب
نضيف لهم 6 جبن مثلثات.
نضعهم في خلاط العصير أيضا كما من قبل.
بعدها نضعهم فوق نار قليلة حتى تعقد شوي .
بعد تعقيد نضيف ثوم و فلفل ابيض و زعيترة (صراحة هائلة و تعطى طعما رائعا للبيتزا)

تحضير بقية الحشو للبيتزا:

  • جبن مبشور أو الاحمر.
  • فطر مقطع
  • فلفل اخضر مقطع
  • زيتون اخضر و اسود مقطع
  • لحم مفروم
  • تونة
  • ملاحظة : الحشو يتنوعمن كل شخص لأخر و إمكانياته طبعا.
  • نصيحة : لنجاح البيتزا لكي ، يجب تشغل الفرن قبل ساعة بأقصى درجة و نطعها في الوسط .

لأن بعد معرفة مكونات و طريقة تحضير و كل شيء حول طبخها ، نأتي لدور رأيسي و هيا أنواع بيتزا و كيفية تجهيزها , سو أصع لكم أنواع مختلف و لكي لإختيار حسب الحاجة .

أكثر أنواع بيتزا طلبا و طريفة تحضير :

بيتزا كرواسون

شكل جميل و لذيذ جدا
نطرحو العجينة رقيقة ، و نقصوها مثلثات و نوزعو عليهم صوص الطماطم و الجبن ، تونة ،و زيتون اسود ، و نحطو في القاعدة شوي صلصة جبن و نلفوها على شكل حبة كرواسون ندهنوها بالحليب و نرشو فوقها زعيترة
نخلوها تخمر شوي و الى الفرن

ميني بيتزا محشية

نطرحو العجينة و نقصوها دوائر، و نحطو الحشو ، انا حطيت صلصة طماطم و زيتون و تونة و صلصة جبن
نغلقو القرص و نعاودو نطرحوه بكف يدنا بشوي ، نزيدو نحطو نفس الحشو من جديد و نرشو الجبن و زعيترة
نخليوه يخمر شوي و الى الفرن

بيتزا كورني

نطرحو العجينة رقيقة دوائر صغار و نلفوها على الكورني لي كنا خدمناه بورق الالمنيوم
نخلوها تخمر شوي و ندخلوه للفرن يطيب ، نحطوه واقف بعد ما يطيب نخرجوه نحيوه من الكورني و نحطو الحشو قطعة جبن في القاعدة , صوص الطماطم ، ثم صلصة الجبن ثم شوي لحم مفروم زيتون ، فلفل مقطع و نكملو هكذا حتى يعتمر الكورني ، نرشو من فوق بصلصة جبن و جبن مبشور و نحطوه في علبة طماطم و ندخلوه للفرن نشعلو غير من فوق حتى يذوب الجبن

قلوب البيتزا

نشكلو العجينة على شكل حربوش ، نقصوه في الوسط على 2 لكن ما نوصلوا للنهاية ، نحشيو الجيهتين بالجبن ، و نلفوها كما في الصورة نضغطو على القلب باه يتسطح شوي و نحطو الحشو السابق و نرشو الجبن و الزعيترة نخليوه يخمر شوي و الا الفرن

نخلة البيتزا

نطرحو العجينة رقيقة ، نوزعو عليها صلصة طماطم ،زيتون ،فلفل ،جبن مبشور ، زعيترة ، و نلفوها كما في الصورة نقصو دوائر بواسطة مقص لكن ما نوصلوا للنهاية ، نشكلوها ، و ندهنوها بحليب نخليوها تخمر شوي و الى الفرن

تورساد البيتزا

نقسمو العجينة على 2 و نطرحوهم رقاق، نوزعو الخشو لي هو صوص الطماطم و جبن مبشور و زيتون اسود و زعيترة
نغطيوها بالنص الثاني من العجينة نضغطو شوي و نقصوها بالطول و نشكلوها على شكل تورساد ندهنوها بالحليب نخلوها تخمر و الى الفرن

بيتزا بكرات اللحم

اولا نتبلو اللحم المفروم بثوم و توابل و نشكلوه كريات في كل كرية نحطو قطعة جبن و نقليوهم في مقلاة فيها ملعقة زيت حتى يأخذوا اللون الذهبي
نطرحو البيتزا رقيقة و نوزعو الكريات و نشكلو العجينة كما في الصورة و ندهنو بالبانسو شوي ماء باه تلصق
نوزعو الحشو صلصة طماطم ، فطر ، تونة ، فلفل ، زيتون ، صلصة جبن و جبن مبشور و زعيترة و نخليوها تخمر شوي ثم الى الفرن

مربعات البيتزا

نطرحو العجينة رقيقة و نقصوها مربعات و نحطوها في مول المافن مدهون ، و نحطو نفس الخشو ، صلصة طماطم و صلصة جبن و زيتون و شوي لحم مفروم مطهي و جبن مبشور و زعيترة ، فعلا لذييييذة

اعواد البيتزا

هاذي الفكرة رائعة للأطفال و راح تفرحهم
نطرحو العجينة رقيقة و نقصوها دوائر صغار و نحشيو أعود الشواء و تزينوها بالطريقة لي في الصورة نخلوها تخمر شوي و الى الفرن

بيتزا الكريات

تعتبر مزيج بين الخبز و البيتزا
نقصو البيتزا دوائر بعد ماطرحناها رقيقة نحطو الحشو لي حبينا في وسط كل قرص نغلقوه و نشكلوها كريات ، نحطوها في مول مدهون و نخلو فراغات بيناتهم و نحطو قطع جبن همبورغر او كاشير
نلفوها تخمر شوي و ندخلوها الفرن ، بعد ماطيب مليح من تحت و من فوق ، نخرجوها و نوزعو فوقها صلصة الطماطم و صوص الجبن زيتون ، جبن مبشور و زعتر و ندخلوها و نشعلو من فوق حتى تأخذ لون جميل.

و في الأخير نتمنى لكم شهية طيبة و الصحة و العافية منا لكم

شارك المقال